Flugusafnið
Litla Rauð
Þær verða stundum til án þess að eiga sér ákveðna fyrirmynd, líkjast samt eflaust einhverri sem einhver annar hefur sett saman og hreint og beint óþarfi að eigna sér hana. Í aðdraganda Febrúarflugna 2022 var ég að fikta eitthvað með hár af ýmsum gerðum. Kveikjan að þessu fikti mínu voru s.k. Goby- eða Kutling flugur sem er jú ætlað en líkja eftir hornsílinu og öðrum smáfiskum.
Flugan virkar heldur mikil um sig þegar hún kemur úr þvingunni, en raunverulegt sköpulag hennar kemur vel í ljós þegar hún hefur farið í bað eins og sýnt er hér að ofan.
Stefið í þessari flugu er gamalkunnugt og
alþekkt í urriða hér á Íslandi, rautt og svart með nægu gulli til að glepja hann til töku. Eftir töluverðar tilraunir og alveg ágætis árangur með þessa flugu sumarið 2022 var ákveðið að hún fengi nafnið Litla Rauð með beinni tilvísun til ákveðins veiðistaðar við Litlasjó í Veiðivötnum.
Fiskitegundir og krókastærðir
Engin fiskitegund hefur verið skráð fyrir þessa flugu. Þegar upplýsingar vantar er ekki útilokað að flugan virki á fleiri tegundir.