Crandall´s Wedding Dress

Hún hefur sannað sig bæði við veiðar á vetrar- og sumar-steelhead, stórum urriða í Alaska og Kanada, sjóbirting á Íslandi og jafnvel sem trollingfluga í vötnum. Flugan er hnýtt með stinger-krók, sem eykur líkurnar á öruggri töku og betri festu þegar fiskurinn tekur varlega.

Það sem gerir fluguna sérstaklega áhrifaríka er samspil glits og efna sem breytir um svip eftir því hvernig hún hreyfist í vatninu. Litirnir koma fram á mismunandi hátt eftir birtu og sjónarhorni og gefa frá sér litla glampa og litbrigði sem geta kveikt áhuga fisksins þegar hefðbundnari flugur fá litla athygli.

Hún er sérstaklega góð sem „go-to“ fluga við miðlungs til lítið litað vatn og góðar skyggnisaðstæður og hefur einnig reynst vel þar sem fiskur verður fyrir miklu veiðiálagi. Litla rauða kúlan og stinger-krókurinn setja svo punktinn yfir i-ið — smáatriði sem geta skipt máli þegar fiskurinn er tregur.

Rob Crandall býr í Portland í Oregon og rekur Water Time Outfitters, þar sem hann leiðsegir meðal annars við silungs- og steelheadveiðar í Deschutes River, auk þess að leiðsegja í Clackamas, NF Nehalem, Trask og fleiri ám við Oregon-ströndina yfir vetrartímann.

Það er einmitt við veiðar í þessum ám sem Rob hefur þróað og fínstillt mörg af sínum árangursríku flugugerðum. Hann ólst upp við bakka Clackamas River og hefur starfað sem löggiltur veiðileiðsögumaður í Oregon frá árinu 1992. Rob hefur einnig verið ritstjóri tímaritsins Flyfishing & Tying Journal.