Flugusafnið
Einkunn
Black and Orange Marabou
Þessa flugu þekkja margir, en ekki endilega undir upprunalegu heiti sínu. Í dag sést þessi fluga gjarnan í boxum veiðimanna og aðspurðir segja þeir hana vera Orange Dentist. Þegar vel er að gáð er þetta skiljanlegur misskilningur, flugunum svipar glettilega mikið saman, þó Dentist sé að vísu rauður og með hárvæng. Black and Orange Marabou er hugarfóstur Taff Price og ef mig misminnir ekki, þá kom hún fyrst fram í þeirri góðu bók Fly Patterns: An International Guide sem kom út árið 1986. Íslenskir hnýtarar hafa eflaust séð þessari flugu bregða fyrir í kjöreigninni Straumflugur sem Sigurður
Pálsson og Lárus Karl Ingason unnu að í sameiningu að árið 2008.
Fyrst hnýtti ég þessa flugu einmitt sem afbrigði af Dentist og hef gert ágæta veiði með hana í þessum búningi, en þykir rétt að koma henni formlega á framfæri undir réttu nafni. Sjálfur hef ég hana gjarnan í smærri stærðum, en hún er svo sem til hjá mér á #6 eins og Taff mælti með. Þótt Jim Misiura hnýti hana þyngda hér að neðan, þá hef ég ekki lagt það í vana minn hingað til.
Fiskitegundir og krókastærðir
Engin fiskitegund hefur verið skráð fyrir þessa flugu. Þegar upplýsingar vantar er ekki útilokað að flugan virki á fleiri tegundir.